Føroyameistararnir aftur í finaluni

Føroyameistararnir Miriam í Grótinum og Rúni Øster hava spælt seg í finalurnar í badminton, sum vera spældar leygardagin.

Miriam í Grótinum vann á Miu Thorkildshøj í hálvfinaluni, og skal spæla ímóti Sannu Thorkildshøj í finaluni, sum tískil verður ein endurtøka av finaluni í fjør. Vinnur Miriam í Grótinum er tað fjórða FM-heitið á rað.

Rúni Øster kom afturí aftur í stórum stíli í fjør eftir skaðasteðg, og hann skal verja sítt FM-heitið ímóti bert 18 ára gamla Christian Berg Petersen. Rúni Øster vann á Áranti Á Mýruni í hálvfinaluni, meðan Christian Berg Petersen basti Jónasi Djurhuus. 

Allir finalistarnir eru úr Havnar Badmintonfelag. Innleiðandi dystirnir í tvímansleiki verða spældir hósdagin, meðan innleiðandi dystirnir í blandaðum tvímansleiki verða fríggjadagin. Finalurnar verða leiktar í Høllini á Hálsi leygardagin frá klokkan 10.