Jóannes Bjartalíð byrjar skjótt at venja aftur

Jóannes Bjartalíð var ikki partur av landsliðshópinum, sum í mars spældi ímóti Kekkia og Montenegro. Klaksvíkingurin í norska felagnum Fredrikstad hevur sitið uttanfyri í 10 vikur við skaða. Hann vónar at venja á vøllinum í komandi viku.

- Málið er at verða klárur til dystin móti Kristiansund, sum er um 17 dagar. Eg verið nokk klárur til landsliðið í juni, men tað verður ikki við nógvari dystarvenjing, sigur Jóannes Bjartalíð, sum beklaði illa, tá hann bleiv skaddur.

- Eina liðbandið slitnaði næstan. og tað var millimetrar frá, at eg skuldi skurðviðgerast. Hetta var ein drúgvur skaði, men liðbondini eru vaksin saman aftur. Nú er tað bara tað seinasta av pínuni, sum skal vekk, sigur landsliðsspælarin.

Meinhard E. Olsen er longu ivasamur, tí hann er skurðvíðgjørdur í fingrinum. Teir báðir hava áleið sama leiklut á landsliðnum og hava verið profilar á liðnum. Tað gongur annars væl hjá Fredrikstad, sum liggur fremst í norsku landskappingini, nú fýra umfør eru spæld.

Føroyar spæla 5. juni venjingardyst móti Georgia í Tblisi, og fýra dagar seinni móti Gibraltar á Tórsvølli. Landsliðið verður úttikið á tíðindafundi í Fótbóltssambandinum 26. mai.