Bakkafrost brúkti 4,5 mió. kr. upp á lobbyismu í fjør

Bakkafrost brúkti í fjør fýra og eina hálva millión krónur til lobbyismu í tí sum samtakið kallar óbeinleiðis lobbyvirksemi.

Tað stendur at lesa í roknskapinum hjá samtakinum fyri 2024.

Av tí vóru slakar tvær milliónir krónur brúktar í Føroyum, góðar tvær í Skotlandi og ein á heimsplani.

Óbeinleiðis ávirkan

Sambært roknskapinum var peningurin brúktur til óbeinleiðis politiska ávirkan, skrivar Bakkafrost í roknskapinum, og sambært samtakinum er hetta limagjald fyri at vera partur av Vinnuhúsinum og Havbúnaðarfelagnum, Salmon Scotland og Global Salmon Initiative.

Men har stendur eisini, at Bakkafrost hvørki letur ella hevur latið nakran fíggjarligan ella í natúrligan stuðul til politiskar flokkar, teirra fólkavaldu umboð, ella einstaklingar, sum søkja politisk embæti.

Ursula von der Leyen, Ursula von der Leyen í Føroyum, Bakkafrost

Frítekst tagging: 

Ursula von der Leyen

Ursula von der Leyen í Føroyum

Bakkafrost

Bjarni Árting Rubeksen

Mynd: Bjarni Árting Rubeksen

Beinleiðis samstarv

Hinvegin, skrivar samtakið í roknskapinum eisini, at Bakkafrost í 2024 hevur samstarvað beinleiðis við myndugleikarnar í samband við broytingarnar í elveitingarlógini, sum vóru gjørdar í fjør.

Endamálið hjá samtakinum var at geva politikarunum eina fulla fatan av framtíðartørvinum hjá Bakkafrost, um felagið skal røkka sínum málum um vakstrarhúsgass, sum samsvara við Parísavtaluna.

- Bakkafrost tekur fult undir við skjótum skifti til grønan búskap og ætlaðu broytingunum í føroysku orkulógini. Endamálið við hesum broytingum er at tryggja at nóg mikið er til av varandi orku á landsnetinum. Men Bakkafrost heldur, at umleggingin kundi verið framskundað enn meira, og at ein liberalisering av orkumarknaðinum er ein møgulig loysn fyri at tryggja skjótari atgongd til varandi orku, skrivar felagið.

Bakkafrost, Laksur - Mynd: Ida Marie Odgaard/Ritzau Scanpix

Frítekst tagging: 

Bakkafrost

laksur

Mynd: Ritzau / Scanpix