563 arbeiðs-og uppihaldsloyvi latin higartil í ár

563 arbeiðs- og uppihaldsloyvi eru givin í Føroyum higartil í ár, tvs til 16. juni.

Haraftrat eru 42 loyvi longd.

Tað sigur Bjarna Kárason Petersen, landsstýrismaður.

Landsstýrismaðurin hevur svarað spurningi frá Magnusi Rasmussen, løgtingsmanni.

Í 2022 vóru givin 1.653 arbeiðsloyvi og 572 vóru longd.

Í 2023 vóru 1.286 loyvi givin og 766 vóru long.

Útlendingstovan hevur avgerðarmyndugleikan

Í fjør vóru loyvini 921 og leingingarnar 722 til 1. september, tá Útlendingastovan tók við avgerðarmyndugleikanum.

Frá 1.september til nýggjárs vóru givin 200 loyvi, og 38 vóru longd.

Málsviðgerðartíðin er ymisk.

Talið fyri mál eftir Fast Tack skipanini ella snarskipanini er 47 dagar, eftir ES-lógini er tað 31 dagar og eftir ítróttar-avtaluni 21 dagar.

Serliga mál sambært snarskipanini taka longri tíð enn upplýst frammanundan, sigur Bjarni Kárason Petersen.