Uttan arbeiði í meira enn eitt ár

Í mai vóru 46 fólk, ella góð 11 prosent av teimum arbeiðsleysu, langtíðararbeiðsleys. 

Tey hava verið arbeiðsleys í meira enn eitt ár, í fleiri enn 365 dagar.

Í mai í fjør vóru 12 færri langtíðararbeiðsleys, skrivar Hagstovan.

Sambært tølunum fyri mai í ár, hava tey flestu, 141 fólk, 31 prosent, verið arbeiðsleys millum 30 og 89 dagar. 

Serliga tey ungu

Størsta arbeiðsloysið er hjá teimum 25 til 34 ára gomlu.

Minsta arbeiðsloysið er hjá teimum 55 til 66 ára gomlu.

Hetta var eisini so í mai í fjør. 

Sambært ALS í morgun fáa 253 fólk arbeiðsloysisstuðul, 90 kvinnur og 153 menn.

278 fáa fiskavirkisstuðul. Har er fleiri kvinnur enn menn, 147 kvinnur og 131 menn.

941 fólk eru í fiskavirkisskipanini.