Amboðsmenninir fingu fyrstu føroysku gullini

Føroysku menninir í amboðsfimleiki fingu fyrstu føroysku gullheiðursmerkini á oyggjaleikunum Í Orknoyggjum.

Teir vunnu liðkappingina, men tað var um reppið. Føroyar endaðu bert 0.025 frammanfyri Isle of Man, og tordu mestsum ikki at trúgva upp á sigurin.

Harumframt fóru teir avstað við fýra gullmedaljum og tveimum silvur hjá einstaklingunum í sonevndum set-serium. Rókur S. Vestergaard var fremstur í beinsveiggj og á gólvi, og fekk silvur í paralell barr. 

Torleivur Christiansen vann gull í ringum, Ari Poulsen var bestur í lopi og Bjarki Johannessen fekk silvur í rekk.

Seint seinnaaprtin fara føroysku kvinnurnar undir somu kapping, og vónirnar til teirra eru eisini góðar.