Í Helsinki tosa tey enn um ósigurin hjá HJK fyri NSÍ

NSÍ skal í dag spæla avgerandi dyst um at sleppa víðari til annað umfar í Evropa-kappingini Conference League. 

NSÍ tók øll á bóli og vann heili 4-0 í heimadystinum móti HJK Helsinki, sum er kendasta fótbóltslið í Finnlandi.

Og tað hevur Karstin Joensen, formaður í NSÍ, merkt, nú hann er í Finnlandi. Hann er spentur til dystin í kvøld:

Útidysturin byrjar klokkan fimm í dag, og verður millum annað vístur í Løkshøll í Runavík.

KÍ spælir eisini avgerandi dyst í dag um at sleppa víðari til annað umfar í Conference League, og tað er ímóti finska toppliðnum SJK. 

KÍ vann útidystin 2-1. 

Tummas Lervig, formaður í KÍ, sigur, at liðið er væl fyrireikað til dystin í kvøld:

KÍ spælir á heimavølli í Klaksvík í kvøld, og byrjar klokkan 19:45. 

Millum spælararnar á finska liðnum er føroyski landsliðspælarin Samuel Johansen Chukwudi.

Útvarpið hevur frásøgn frá dystinum í Klaksvík í kvøld.