Sangir úr mínum lívi: Ólavur er uppvaksin við andaligum gospeltónleiki

Tá Ólavur var fýra ára gamal, fór hann at syngja í Dreingjakórinum undir Brúnni. Men tá ein tíð var fráliðin, fekk hann trupulleikar við røddini, og tí sang Ólavur ikki í fleiri ár. 

Á eftirskúla í Danmark í skálaráið 2010/11, tá hann var sekstan ára gamal, kom loksins  veruliga glið á sangin aftur. Ólvur á Váli Olsen spældi sína fyrstu almennu konsert 17 ára gamal.

Pallurin, sum Ólavur á Váli Olsen hevur brúkt mest, hevur verið umborð á Norrønu. Har hevur hann spælt í heili 12 ár.
At framføra fyri so ymiskum fólki, føroyingum og útlendingum, yngri og eldri, hevur ment Ólav nógv. Eitt nú hevur hann fingið evnini at laga seg eftir áhoyrarunum.

Ólavur á Váli Olsen.jpg

Í sendingin umrøður Ólavur á Váli Olsen sínar íblástrarkeldur. Kanska tann størsta var mammubeiggin, Ólavur á Váli. Hann doyði í 2005 bara 49 ára gamal, men kortini hevur hann ávirkað Ólav ógvuliga nógv.

Her eru sangirnir, sum Ólavur velur í sendingini.

Eagles - Peaceful Easy Feeling

Kris Kristofferson - Why me Lord

Creedence Clearwater Revival - Have you ever seen the rain

Ólavur á Váli - Mær er sagt um ein stað

Frank Sinatra - My Way

M.C. Restorff - Føroyingar

Hannes Aitman - Dying for a name

Sendingin við Ólavi verður send í útvarpinum í dag kl. 17.05, men er longu nú at finna á KVF Ljóð.