Brúgv millum Sisilia og italska meginlandið

Nú skal beinleiðis samband verða millum stivlandið og bóltin.

Italska stjórnin hevur í dag góðkent ætlanir um at byggja eina brúgv millum Sisilia og italska meginlandið.

Italska stjórnin hevur játtað 100 milliardir krónur til verkætlanina, sum væntandi fer at skapa fleiri enn 100.000 arbeiðspláss, skrivar Reuters. 

Sambært tíðindastovuni verður funnist at verkætlanini.

Vandi fyri jarðskjálvta og mafiabólkum

Millum annað eru spurningar settir við, um tað er skilagott at byggja eina brúgv í einum øki, har vandi er fyri jarðskjálvta. Eisini verður stúrt fyri, at lokalir mafiabólkar kunnu gera seg inn á verkætlanina.

Harumframt hava umhvørvisfelagsskapir í vikuni sent klagu til ES, har tey vísa á vandar fyri álvarsligar umhvørvisskaðar.

Ætlanir um at gera brúgvasambandið hava verið síðani seinast í 1960-unum.

Brúgvin skal eftir ætlan vera 3,6 kilometrar long.