Atli vil ikki tosa um seinasta dansin: Havi fult fokus á dystin í kvøld

Í kvøld skal Víkingur spæla tann fyrra dystin av tveimum móti Linfield úr Norðurírlandi í triðja umfari í Conference League-undankappingini, og stendur tað til Atla Gregersen, liðformanni í Víkingi, so eru Víkingaspælararnir uppsettir at gera ein enn betri innsats, enn móti Lincoln Reds úr Gibraltar.

Fyrr í ár var tað leingi eitt ivamál, um Atli Gregersen kundi vera hjálparvenjari hjá A-landsliðnum við monnum, tí hann eisini spælir við besta liðnum hjá Víkingi.

Men ein loysn varð funnin, so Atli Gregersen kundi spæla við Víkingi til í summar. 

Nú er summar, og hóast dystirnir móti Linfield úr Norðurírlandi - í triðja umfari í undankappingini til Conference League - møguliga verða teir seinastu hjá karismatiska verjuskansanum, so er hetta ikki nakað, sum liðformaðurin í Víkingi brúkar nógva tíð upp á at hugsa um.

Hoyr samrøðu við Atla Gregersen her:

Dysturin byrjar klokkan sjey í kvøld, og Kringvarpið stroymir dystin á kvf.fo.