Treytaleysa fongsulsrevsing í tríggjar mánaðir fyri harðskap

35 ára gamli maðurin, sum er ákærdur fyri harðskap móti tænastufólki í arbeiði, fekk tríggjar mánaða treytaleysa fongsulsrevsing í Føroya rætti.

Maðurin skeyt alt fyri eitt dómin inn fyri landsrættin. Hann noktar seg sekan.

Maðurin er ákærdur fyri at spýta á ein politist. Hann spýtti eisini eftir einum øðrum politisti, men rakti ikki.

Hann er ákærdur fyri at hótta politistar eftir lívinum og fyri at geva politinum longutong.

Funnin sekur í øllum ákærum

Hetta skal alt vera hent uttan fyri Tórsvøll eftir dystin millum HB og Brøndby fyri tveimum vikum síðani.

Maðurin var í Føroya rætti funnin sekur í øllum seks ákærum.

Ákæruvaldið fer nú at lesa dómin og taka støðu til, um tey eisini skulu kæra dómin fyri at fáa eina harðari revsing. Sama, hvørja avgerð ákæruvaldið tekur, fer málið í landsrættin.

35 ára gamli maðurin situr í løtuni inni fyri ein annan dóm.