Sirkus Baldoni verður ikki í Føroyum í ár

Sirkus Baldoni, sum seinastu 17 árini hevur vitjað í Føroyum, hava í ár avlýst sína Føroyaferð. 

Orsøkin er, millum annað, at tey ikki kunnu leiga Høllina á Hálsi, ið vanliga hevur hýst Baldoni, og leigu útreiðslurnar aðrastaðni eru ov høgar. Tað skrivar stjórin í tíðindaskrivi.

Hermann Mortensen, trivnaðarstjóri í Tórshavnar kommunu, sigur, at Tórshavnar kommuna er givin at leiga út ítróttarhøllir til onnur endamál enn ítrótt:

- Ítróttarfeløgini, serliga Neistin, Kyndil og Fleyr, hava mist øgiliga nógva tímar við øllum tiltøkunum sum hava verið, serliga í Høllini á Hálsi og Gundadalshøllini, og H71 hevur mist nógv tá okkurt hevur verið í Hoyvíkshøllini.

- Tí samtykti Tórshavnar býráð fyrr í ár, at ítróttarfeløgini hava framíhjárætt til ítróttarhallirnar í Tórshavnar kommunu. Hetta er galdandi fyri Høllina á Hálsi, Hoyvíkshøllina, Gundadalshøllina, ella Badmintonhøllina.

Hann leggur afturat, at onnur tiltøk verða í staðin víst til við Tjarnir.

Hesum greiðir trivnaðarstjórin nærri frá í innslagi í útvarpstíðindunum: