- Tíðindi, mentan og ítróttur
Steno-miðstøðin fer at kosta 63 milliónir
Steno-miðstøðin fer at kosta 63 milliónir
Bygt verður oman á C-bygningin á Landssjúkrahúsinum
Steno-miðstøðin verður bygd oman á C-bygningin á Landssjúkrahúsinum, og skal eftir ætlan vera liðg í 2027.
Mynd: Landsverk.
12.08.2025 - 09:39
Steno-miðstøðin, sum skal byggjast á økinum við Landssjúkrahúsið, verður mett at kosta 63 milliónir kr.
Bygningurin verður 1200 fermetrar, og hann skal byggjast oman á verandi C-bygning á Landssjúkrahúsinum.
Sigurð Ó. Vang er deildarleiðari á Landsverki. (Mynd: Bjarni Árting Rubeksen)
Verkætlanin er partur av stuðulsavtalu við Novo Nordisk-grunnin, sum fíggjar byggingina. Haraftrat koma avleiddar útreiðslur, sum landið rindar, m.a. fyri at endurhýsa starvsfólkini, sum halda til í C-bygninginum.
Landsverk hevur boðið arbeiðið út, og tað er skipað í trimum stórum arbeiðstøkum. Freistin at bjóða er 23. september.
Steno-miðstøðin skal eftir ætlan vera liðug í 2027.
Hoyr innslag í útvarpstíðindunum, har samrøða eisini er við Sigurð Ó. Vang, deildarleiðari í verkætlanardeildini á Landsverki:
12082025_Steno
Er kopiera
Nýggjastu sendingar í ÚV
Nýggjastu sendingar í SV
