Formaðurin í Grindamannafelagnum: Læsið grindareiðskapin inni

- Læsið grindareiðskapin inni. Tað eru boðini frá Ragnari Jacobsen, sum er formaður í Grindamannafelagnum.

Í ár eru grindareiðskapur horvin í tveimum bygdum.

Í Bø hvurvu 11 mønustingarar og tveir kúluonglar, aftaná drápið í Bø 5. juli.

Og nú er eisini komið undan kavi, at fjallfólk í Kvívík fyri stuttum eru komin fram á 22 kúluonglar úr Leynum, sum vóru horvnir. Afturat hesum, vóru átta kúluonglar farnir í havið.

Tað skrivar In.fo í dag.

At grindareiðskapur ikki fær frið, ørkymlar formannin í Grindamannafelagnum.

Sea Shepherd hevur avsannað, at felagsskapurin hevði lut í hendingini í Bø, men Ragnar Jacobsen útihýsir ikki møguleikan, at umhvørvisfelagsskapir hava ein lut í hendingunum.

Hoyr innslag í útvarpstíðindunum: