Arbeiðsgevarar skulu krevja revsiváttan frá útlendingum

Tað var eftir hending á Argjum fyri einum ári síðan, tá ein póllendingurin, sum arbeiddi í Føroyum, legði á eina kvinnu, at tað kom fram, at hann hevði sitið í fongsli í Póllandi, dømdur fyri morð. Og tað er ein beinleiðis fylgja av tí, at lógaruppskot er á veg, at arbeiðsgevarar skulu krevja revsiváttan frá útlendingum, sum koma til Føroya at arbeiða í styttri ella longri tíðarskeið, sigur Bjarni Kárason Petersen, landsstýrismaður í lógarmálum.

Verður lógaruppskotið samtykt í heyst, so roknar landsstýrismaðurin við, at tað kemur í gildi fyrst í komandi ári.

Hoyr samrøðu við landsstýrismannin í lógarmálum úr tíðindunum kl 18: