Vænta ruðuleika í Kalsoynni, tá Teistin fer í sigling

Ikki allir kalsoyingar eru nøgdir við, at Teistin fer at røkja siglingina millum Klaksvík og Syðradal.

Maud Østerø á Trøllanesi stúrir fyri, at ov nógvir bilar vera í oynni, tá Teistin í næstum fer at røkja kalsoyarleiðina.

Teistin tekur 20 akfør fleiri enn Sam, sum vanliga røkir siglingina.

Hoyr innslag í útvarpstíðindunum:

Karl Johansen

Karl Johansen.

Karl Johansen, borgarstjóri í Klaksvíkar kommunu og formaður í staðbundnu nevndini fyri  bygdirnar í Kalsoynni, sigur, at ein avgerandi fundur verður um málið í morgin:

Strandfaraskipið Sam, strandfaraskipið Sam í Kalsoynni

Sam siglir aftur á kalsoyarleiðini.

Sam aftur í sigling

Ætlanin var, Teistin skuldi fara í sigling á kalsoyarleiðini í gjár, nú nýggj rampa er sett í ferjuleguna á Syðradali. Men Strandferðslan sigur á heimasíðuni, at Sam røkir nú aftur siglingina millum Klaksvík og Syðradal, og hann tekur bilar.

Seinastu vikuna hevur Erla Kongsdóttir røkt kalsoyarleiðina, men hevur ikki flutt bilar. Erla Kongsdóttir røkir nú aftur farleiðina millum Hest og Gomlurætt.