Fosturforeldur í farloyvi fáa ov lítla samsýning

Fosturforeldur, sum noyðast at fara í farloyvi, fáa ov lítla samsýning samanborið við inntøkuna, tey høvdu, áðrenn tey gjørdust fosturforeldur.

Barnaverndarstovan mælir til, at kommunur og land gera broytingar fyri at fáa nóg nógvar fosturfamiljur. 

Grannalondini hava skipanir, sum lofta hesum, sigur Barnaverndarstovan.

Støðugt fleiri børn hava brúk fyri fosturfamiljum.

Ov fá fosturheim

Men fosturforeldraskipanin hevur ikki nóg nógv fosturheim, stendur í ársfrágreiðingini. 

Tað besta er, at fleiri børn kunnu vera í fosturheimum í staðin fyri á barnavendarstovnum. 

Hetta fer so at krevja, at fosturforeldur vera førleikament.

Og brúk verður fyri fleiri fólkum í Barnaverndarstovuni og í fosturforeldraskipanini, stendur í ársfrágreiðingini fyri 2024 hjá Barnaverndarstovuni.