Arbeitt í H-bygninginum næsta ár eisini

Arbeitt verður í H-bygninginum hjá Landssjúkrahúsinum alt næsta ár.

Lekar eru, og stórar umvælingar skulu tí gerast.

Landsverk ætlar, at nakrar ábøtur vera gjørdar í heyst.

Annars byrja arbeiðini næsta vár og halda fram stóran part av árinum 2026.

Tað sigur Súsanna Bertholdsen, landsstýriskvinna, í svari til Johan Dahl, løgtingsmann.

Higartil hava feløgini, sum bygdu H-bygningin, ikki givið ábending  um, at tey vilja umvæla brekini.

Landsverk hevur gjørt galdandi solidariska ábyrgd móti stórarbeiðstakaranum og høvuðsráðgevanum. 

Væntandi endar málið í gerðarrætti, og krav verður um endurgjald, sigur landsstýriskvinnan.