Grønland vil undir ongum umstøðum fara undir USA

Vivian Motzfeldt, landsstýriskvinna í uttanríkismálum, sigur einki nýtt vera í tí, sum danska kringvarpið segði í gjár um amerikanarar, sum royna at fáa grønlendingar at venda dønum bakið til frama fyri USA.

Hon sigur við Sermitsiaq, at eingi prógv eru um tað, sum DR sigur.

Vivian Motzfeldt sigur seg ikki stúra eftir tað, sum kom fram í gjár.

Hon leggur dent á, at grønlendingar eru ikki so lættir at ávirka.

Teir vilja undir ongum umstøðum fara undir USA, sigur hon.