Besta hálvársúrslitið higartil

Suðuroyar sparikassi hevði metstórt yvirskot fyrra hálvár.

Hálvársúrslitið vísir eitt úrslit upp á 4,5 mió. kr. fyri skatt sammett við 3,1 mió. kr sama tíðarskeið í fjør.

Hetta er besta hálvársúrslit higartil, sigur sparikassin. Tað er væl meira enn eina mió. kr. størri enn í hálvársúrslitið í fjør.

Úrslitið skal tó takast við ávísum fyrivarni. Góða úrslitið skyldast í høvuðsheitum tvey viðurskifti, sum ikki benda á ein vøkstur annars, sigur Suðuroyar sparikassi.

Góða úrslitið skyldast lægri niðurskrivingar og hægri virðisjavna.

Útlánini hækkaðu úr 606 mió kr. upp í 619 mió. kr., sum svarar til ein vøkstur jupp á 13 mió. kr., ella 2,1 prosent.

Innlánini vóru 831 mió. kr. sammett við 752 mió. kr. sama tíðarskeið í fjør. Hækkingin er 79 mió. kr., ella 9,6 prosent.