Nú skal annað byggistig á Frælsinum prosjekterast

Landsstýrismaðurin í skúlamálum hevur biðið løgtingið um 14,5 mió. kr. til at prosjektera annað byggistig í skúlabygningunum á Frælsinum í Havn fram til útboð.

Skipanaruppskotið um bygningin verður klárt um miðjan november.

Annað byggistig kann bjóðast út næsta summar.

Lógaruppskot um annað byggistig kemur í løgtingið, tá útboðið hevur verið, og tikið er av vinnandi tilboði.

Tann lógin skal eisini umfata prosjektering av triðja byggistigi.

Løgtingið hevur longu játtað 39 mió. kr. til fyrsta byggistig og 7,3 milliónir til at prosjektera heildarætlanina.

Endamálið við heildarætlanini er at varðveita, tillaga og bjarga einum gomlum skúlabygningi, og geva honum nýtt lív sum ein framtíðartryggjaður universitetsbygningur, sigur Barna- og Útbúgvingarmálaráðið.

Les uppskotið her.