Hákun og teir framvegis fult í Champions League

Hákun West av Teigum skeyt fimm mál, tá Füchse Berlin vann 37-32 á Kielce í Champions League-bólkaspælinum hóskvøldið.

Øll málini hjá føroyska vonginum komu fyri steðgin, tá grundarlagið undir sigrinum varð lagt. Füchse Berlin drønaði nevniliga avstað frá byrjan, og hóast tað kom eitt sindur av spennningi í móti endanum av dystinum, var sigurin ongantíð í vanda av álvara.

Týska høvuðsstaðarfelagið hjá Hákuni West av Teigum hevur vunnið allar tríggjar CL-dystirnar higartil og er nummar eitt í bólkinum við seks stigum frammanfyri Aalborg, Vezprem og Sporting, sum øll hava fýra.

Í Bundesliguni hevur Elias Ellefsen á Skipagøtu av álvara gjørt vart við seg fyrstu dystirnar hetta kappingarárið. 

Hóskvøldið vann Kiel sum væntað á Minden, og varðveitti sín oddasess við 12 stigum frammanfyri Gummersbach, sum hevur 10 og Magdeburg, sum hevur níggju stig.

Elias Ellefsen á Skipagøtu skeyt fýra mál og legði upp til trý í 33-25 sigrinum á uppflytaranum, og talan var ikki um sama fýrverksspælið, sum hann annars hevur víst síðstu umførini.

Føroyski bakspælarin varð eisini spardur heilt fitt til komandi dystirnar.