Sjey dómar í neyðtøkumálum í trý ár

Sjey neyðtøkumál eru endað við dómi seinastu trý árini. Tað vísir uppgerð, ið løgreglan hevur gjørt. 

Greiningin hjá løgregluni vísir, at hon hevur stovnað 83 mál um neyðtøku seinastu trý árini. 

Í sjey førum eru persónar dømdir í neyðtøkumálum. 

Hesir sjey dómarnir fevna um 20 av teimum 83 skrásettu málunum.

Fleiri lógarbrot kunnu undir málsviðgerðini verða knýtt saman í eitt mál, eins og ein fráboðan undir viðgerðini kann verða skrásett undir fleiri málsnumrum. 

Tað ber tí ikki til út frá tølunum at staðfesta, at talan er um 83 ymisk brotsfólk ella 83 ymisk órættað, sigur løgreglan.