Pisshús í Klaksvík forðar Teistanum á kalsoyarleiðini

Tað er ivasamt, nær Teistin kann fara undir regluliga sigling millum Klaksvík og Kalsoynna.

Rampan í ferjuleguni í Kalsoynni er umvæld og klár, men í Klaksvík forðar eitt pisshús fyri, at siglingin kann setast í verk.

Teistin, Teistin í Kalsoynni, Teistin á Syðradali

Ætlanin er, at Teistin skal røkja kalsoyarleiðina burturav. 

Jóhan Christiansen, landsstýrismaður í samferðslumálum, hevur svarað fyrispurningi frá Beini Johannesen, løgtingsmanni, um kalsoyarleiðina.

Jóhan Christiansen sigur, at Ternan skal royndarsigla á kalsoyarleiðini í tvær vikur, har Stórakai í Klaksvík verður brúkt sum atløgubryggja, men ferðsluviðurskiftini mugu fáast í rættlag. Og sum er stendur pisshúsið í vegin.

Hoyr innslag í útvarpstíðindunum:

Vit hava roynt at fáa eina viðmerking frá Karl Johansen, borgarstjóra í Klaksvíkar kommunu, men tað hevur ikki eydnast.