Læknafelagið: Stjórin í Heilsustýrinum má vera lækni

- Lurtar Heilsumálaráðið ikki eftir áheitanini frá Læknafelagnum, kann spurnartekn setast við, um røttu fólkini sita í Heilsumálaráðnum. 

Tað sigur formaðurin í Læknafelagnum, nú ivi er, um nýggi stjórin í Heilsustýrinum verður lækni, tí tað er ikki krav í starvslýsingini.

Ragnar Djurhuus Hammer, formaður, sigur, at 9. oktober -  eina lítla viku, áðrenn freistin at søkja var farin, gjørdi Læknafelagið vart við, at tey hildu at tað var eina sjálvfylgju, at tað í starvslýsingini var krav, at umsøkjarin var lækni. 

Sambært Ragnari Djurhuus Hammer er tað er ikki bert stjórin, sum skal vera lækni. Læknafelagið heldur, at tað er ein yvirskipaður tørvur á meira læknafakligheit í Heilsustýrinum.

Hoyr innslag í útvarpstíðindunum: 

Súsanna Bertholdsen, landsstýriskvinna í heilsumálum, hevði ikki stundir at gera samrøðu við útvarpið fyrrapartin.