Langtíðarætlan um serlæknar í vanda at fara fyri skeytið

Ein langtíðarætlan um, hvussu vit fáa fleiri serlæknar til Føroya, er í vanda fyri at fara fyri skeytið. 

Tað sigur Serlæknafelag Føroya, nú landsstýriskvinnan í heilsumálum ætlar at skerja serlæknapuljuna úr fimm milliónum krónum niður í hálva millión.

Serlæknapuljan var sett á stovn í 2016, tí stórur tørvur var á serlæknum í sjúkrahúsverkinum. 

Haraftrat var skipan gjørd, sum tryggjaði, at læknar undir útbúgving kundu taka part av útbúgvingini í Føroyum. Hetta var gjørt fyri at fáa læknarnar heim aftur at arbeiða. 

Tað hevur higartil eydnast væl, og tí er tað týdningarmikið, at tey fáa starv, sigur Shahin Gaini, formaður í Serlæknafelagnum 

Sambært yvirliti, sum Serlæknafelagið hevur latið gera í sambandi við, at fíggjarlógin hevur verið til hoyringar, eru pengar til at seta seks serlæknar í starv í 2026 og eitt hálvt starv í 2027.

Shahin Gaini, formaður í Serlæknafelagnum, var í Breddanum fyrrapartin:

Vit tosa við landsstýriskvinnuna í heilsumálum í tíðinunum kl 18 í kvøld.

Allur Breddin kann hoyrast her.