Frítekst tagging:
- Tíðindi, mentan og ítróttur
Hans Andrias: Eg lærdi meg at spæla gittar av nýggjum
Hans Andrias: Eg lærdi meg at spæla gittar av nýggjum
Nýggju sangirnir eru inniligir og eitt bland av fólkatónleiki og amerikana rokki. Løgini leiða tankarnar til sterkar kenslur og myrkar søgur, segði Sement-dómsnevndin.
Mynd: Bjarni Árting Rubeksen
31.10.2025 - 11:09
Hesa ferð er tað maðurin, sum vann Sement 2025, Hans Andrias, ið vitjar í Studio 5.
Evnaríki trubadururin helt ein drúgvan steðg í almenna rúminum, men í Sement var sjón fyri søgn, at gittari, munnharpa og rødd hava verið dúgliga brúkt kortini.
Myndir: Bjarni Árting Rubeksen
Hans Andrias var vorðin nakað troyttur av bara at spæla tað gamla tilfarið og hevði hug at royna nakað nýtt.
Tí fór hann undir at læra seg at spæla gittar av nýggjum. Eitt nú at stemma gittaran niður og soleiðis broyta ljóðið.
Burtur úr er komin ein øðrvísi ljóðmynd, sum brýtur frá tí, ið fólk kenna frá debutútgávuni, Vision.
Við sær hevur hann gittara og munnharpu, men eisini fleri pedalir, ið lata upp fyri nýggjum møguleikum.
Hann trívist í tí, men viðgongur eisini, at tað er krevjandi at hava so nógvar bóltar í luftini í senn.
Í seinastuni hava nógvar live-framførslur verið á skrá.
Spurdur um hann hevur nakað yndisstað at spæla konsert, svarar Hans Andrias: - At spæla í kirkjum dámar mær allarbest. Har eru fólk friðarlig og nærverandi.
Í kvøld, fríggjakvøld klokkan 21, spælir Hans Andrias konsert í Oy í Havn.
Hvat: Beinleiðis í Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð
1773348
Er kopiera
Nýggjastu sendingar í ÚV
Nýggjastu sendingar í SV
