Eyðun: Vit skulu spæla fyri møguleikanum

Eyðun Klakstein hevur á tíðindafundi í dag úttikið hópin til landsdystin móti Kroatia. Fýra broytingar eru í hópinum frá seinast. Hallur Hansson, Brandur Hendriksson og Samuel J. Chukwudi eru  skaddir, meðan Jóannes Kalsø Danielsen hevur leikbann.

Í teirra stað eru komnir Arnbjørn Svensson, René Shaki Joensen, Noah Mneney og Ási Dam. René Shaki Joensen hevur ikki verið við síðani mars mánaði, tí hann hevur drigist við skaða og vant litið. Nú fær hann betri vant. Arnbjørn Svensson og Noah Mneney komu við upp á avboð seinast 

Mest óvæntaða navnið er avloysarin hjá Jóannesi Kalsø Danielsen, Ási Dam úr HB. Hann var við í fyrstu úttøkuni hjá Eyðuni Klakstein og Atla Gregersen. Hann hevur spælt flestar minuttir hjá HB í ár, og var ein afturvendandi spælari hjá venjaratoyminum, tá teir vóru U21-landsliðsvenjarar.

Føroyar- Kroatia

Frítekst tagging: 

Føroyar- Kroatia

A-landsliðið hjá monnum

Fótbóltur

FSF

Bjarni Árting Rubeksen

Spæla fyri møguleikanum

Føroyar hava 12 á triðja plássi og Kekkia hevur 13 stig á øðrum plássi. Tí skulu Føroyar hava eitt stig fleiri enn Kekkia í seinasta umfarinum. Føroyar spæla móti Kroatia á útivølli 14. novembur, meðan Kekkia spælir á heimavølli móti Gibraltar 17. novembur.

- Kroatia er nógv tað sterkasta liðið í hesum bólkinum. Hetta er seinasti dysturin í hesi undankappingini, sum er tann besta nakrantíð. Vit hava fingið 12 stig og hava ein málmun, sum er pluss fýra. Tað er ikki hent fyrr. Vit eru nøgdir við avrikini og gongdina higartil, og so skal eg ikki endurtaka irritatiónina um tey mistu stigini fyrr í ár, segði Eyðun Klakstein og endurtók irritatiónina við einum smíli.

- Vit eru í tí óvanligu støðu, at vit enn kunnu spæla okkum til HM. Vit vita at møguleikin er lítil, og at vit skulu hava besta úrslitið nakrantíð, umframt at Gibraltar skal hjálpa okkum. Men so leingi møguleikin er har, spæla vit fyri honum. Vit skylda øllum at spæla fyri møguleikanum. Óansæð hvussu lítil hann er, sigur Eyðun Klakstein.

Tað er eisini stórur altjóða áhugi fyri føroyska landsliðnum í hesum døgum. Fleiri av stóru altjóða miðlunum, so sum New York Times, eru á vitjan og vilja vita hvussu tað ber til, at Føroyar klára seg seg væl. Spurningar um hvar spælararnir arbeiða og hvussu nógvir seyðir eru í Føroyum, eru ikki longur fyrstu spurningarnir.

- Eg haldi tað er ein veruligur áhugi. Tey spyrja hvussu tað ber til, at føroyskur fótbóltur klárar seg so væl. Ikki bara manslandsliðið, men eisini ungdómslandsliðini og feløgini. Tað er altíð onkur, sum spyr um hitt, men tað tíma vit ikki at blíva við at svara upp á, heldur Eyðun Klakstein fyri.

Landsliðsvenjarin er nøgdur við gongdina, nú tað er eitt ár síðani hann og Atli Gregersen úttóku fyrsta landsliðshópin. Eyðun Klakstein legði eisini afturat, at hann var fegin um stuðulin á Tórsvølli og vísti á at fjepparafelagið Skansin, hevur vunnið heiður, fyri at stuðulin til landsdystirnar.

fótbóltsfjeppari, fótbóltsfjepparar, Skansin

Frítekst tagging: 

fótbóltsfjeppari

fótbóltsfjepparar

Skansin

Fótbóltur

A landsdystur

A-landsliðið

A-landsliðið í fótbólti menn

Bjarni Árting Rubeksen

(Mynd: Bjarni Árting Rubeksen/KVF)

Landsliðið byrjar ferðina til Kroatia komandi mánamorgun. Føroyar spæla móti Kroatia í Rijeka fríggjadagin 14. novembur. Føroyar og Kasakstan spæla venjingardyst á Aldo Drosina Stadion í Pula í Kroatia týsdagin 18. novembur klokkan 17:00.