Fongsul í fýra mánaðir fyri at smugla hassj

Ein maður varð í gjár dømdur fýra mánaða fongsul fyri at smugla tvey kilo av hassji til Føroya.

Maðurin, sum er dani, og er um 50 ára aldur, hevði krógvað hassjið í bilinum hjá sær. 

Tollvaldið fann hassjið, sigur Kári Jacobsen, leiðari á kanningardeildini hjá løgregluni.

Maðurin fekk straksdóm, og varð síðani latin leysur. 

Hann verður seinni innkallaður at sita dómin í Danmark.

Varðhaldsfongslaður í 14 dagar

Ein maður var varðhaldsfonglaður í 14 dagar í gjár.

Hann er skuldsettur fyri harðskap. 

Politiið vildi hava mannin í varðhaldi, meðan mál hansara verður kannað. Tí var grundlógaravhoyring í Føroya rætti í gjár.

Harðskapsmálið var í Havn. Tað var fráboðað týsnáttina.

Maðurin, sum var fyri harðskapinum, fór á Landssjúkrahúsið til kanningar.

Tann varðhaldsfongslaði er ikki nakar unglingur. Hann er millum 60 og 70 ár, sigur politiið.