Nú verður gjørligt at útbúgva seg til ambulansuviðgera í Føroyum

Síðani 1. juli 2024 er kravt, at tey, sum vilja kalla seg ambulansuviðgeri, skulu hava galdandi løggilding frá Sundhedsstyrelsen.

Sjúkrahúsverkið hevur seinastu árini arbeitt við at gera tað gjørligt at útbúgva seg sum ambulansuviðgera í Føroyum. 

Nú er komið á mál, og fyrstu lærlingarnir byrja í mars, upplýsir Sjúkrahúsverkið.

Í samráð við skúla í Esbjerg

Útbúgvingin er gjørd í samstarvi við Rybners Tekniske Skole í Esbjerg.

Í útbúgvingini er lærlingurin í skúla í Rybner og í starvsvenjing hjá Sjúkraflutningtænastuni og Landssjúkrahúsinum. 

Útbúgvingin tekur fýra ár og ein mánað.

Meira um hesa nýggju útbúgving er á heimasíðuni hjá Yrkisdeplinum.