Føroyar við í revsitiltøkum móti Al-Qaeda og Taliban

Føroyar skulu vera við í fíggjarligum revsitiltøkum móti Al-Qaeda, ISIL, Taliban, Norðurkorea og bólkum, felagsskapum og einstaklingum, sum veita stuðul til yvirgang.

Eitt ríkislógartilmæli um tað er til hoyringar.

Talan er um at seta í gildi í Føroyum ST-samtyktir um revitiltøk á fíggjarøkinum.

Endamálið er at ávirka atburðin og politikkin hjá teimum tjóðum og bólkum, sum revsitiltøkini eru ætlað.

Revsitiltøkini eru millum annað at frysta ognir, seta forboð fyri at lata pening vera tøkan og áseta krøv um fíggjarliga yvirvøku og fráboðanir.