Føroyar duga væl at handfara farsóttir

Korona kostaði landskassanum góða hálva milliard krónur.

Covid-19 kreppan vardi í tvey ár, frá mars 2020 til februar 2022. 

Sjey smittubylgjur vóru.

Ein samandráttur úr frágreiðingini um Føroyar og koronafarsóttina frá 2023 er í lógaruppskotinum um farsóttarlóg.

Sagt verður, at sum heild kláraði Føroyar seg væl gjøgnum koronu samanborið við onnur lond. 

Fá fólk í Føroyum doyðu, og kreppan ávirkaði ikki so nógv gerandislívið hjá fólki sum aðrastaðni.

Hugburðurin hjá almenninginum gjøgnum at kalla alla kreppuna var, at tiltøkini hjá myndugleikunum vóru hóskandi, verður sagt.

Gjørligt var at kanna øll fólk, sum komu til Føroya. 

Stór kanningarorka

Í mun til fólkatalið høvdu Føroyar størri kanningarorku enn flest onnur lond. 

Hetta var avgerandi, tí tað bar til at halda fast í eini avbyrgingarætlan, meðan nógv onnur lond steðgaðu við hesum. 

Sermerkt var eisini, at í Føroyum vóru tilmæli heldur enn lógir. 

Á summum økjum var torført at tulka og seta tilmælini frá myndugleikunum í verk. 

Landslæknin sigur, undirtøkan broyttist sum frá leið, eitt nú tá Omikron kom í sjeyndu og síðstu koronabylgjuni. 

Tá gjørdist torførari at fáa fólk at halda tilmælini.