Ætla at finna allar føroyingar yvir 40 ár sum hava Diabetes 2

Hesar dagarnar lendir ein innbjóðin í Mín Boks hjá øllum føroyingum yvir 40 ár.

Ætlanin er at finna øll tey, sum hava diabetes 2, sum er ein vaksandi sjúka um allan heim.

Hetta ein roynd at fyribyrgja fylgisjúkum.

Tað eru 27.225 fólk yvir 40 ár í Føroyum.

Steno Miðstøðin og Heilsugranskingareindin í Sjúkrahúsverkinum standa fyri verkætlanini í tøttum samstarvi við Fróðskaparsetrið og Diabetesfelagið.

Verkætlanin er stuðlað av Sjúkrakassagrunninum, Steno gransking, Diabetesfelagnum og familjuni Sólrun og Poul Michelsen.

Báru Randrup Joensen

Vóna at fáa 18-20.000 við

Bára Randrup Joensen, lækni og PhD lesandi, stendur fyri dagliga arbeiðinum saman við granskingarhjálparum.

"Tað er ein ambitiøs ætlan. Okur hava eitt ár at gera kanningar í, og okur miðja eftir at hava 18-20.000 í hesum aldursbólki við," sigur Bára Randrup Joensen, lækni og PhD lesandi. 

Diabetes 2 er vaksandi um allan heim. 

"Diabetes 2 kemur ofta sníkjandi yvir longri tíð, og kann hava við sær ógreið sjúkueyðkenni. Tað er ein sjúka, sum hevur nógvar fylgisjúkur. Okur vita tað, at 35 prosent hava longu fingið nakrar av teimum fylgisjúkunum, tá tey fáa staðfest diabetes 2. "

Diabetes, Báru Randrup Joensen

Men at kanningin verður gjørd nú, merkir ikki, at vit í Føroyum eru meira útsett enn aðrastaðni...

Kanningararbeiðið, sum nú er farið í gongd, kann - yvir tíð - vera við til at minka um trýstið í sjúkrahúsverkinum.