Grønlendsk fólkatingskvinna vil hava tilbúgving móti Trump

Ymiskt er, hvussu politikarar taka orðini hjá Trump um Grønland.

Tey flestu taka tey í fullum álvara.

Men grønlendski fólkatingslimurin, Aaja Chemnitz, fer eitt stig longri enn hini.

Hon vil hava eina tilbúgving, skuldi Trump gjørt álvara av sínum orðum um, at hann vil hava Grønland.

KNR sigur, at sambært Aaju Chemnitz skal fólkið í Grønlandi fáa greið boð um, hvat tað skal gera, um USA tekur Grønland. 

Eiga at fyrireika seg til tað versta

Grønland eigur at fyrireika seg til, at tað versta kann henda.

Fólkatingið eigur at sannføra landsstýrið um, at ein tilbúgving skal gerast. 

Aaja Chemnitz sigur við KNR, at Trump lurtar ikki eftir tí, sum grønlendingar siga.

Hon sigur seg ikki vilja vera bundin av USA.

Vit eiga at spyrja, um USA nú er tann sameindi, sum USA var, sigur hon.