Kommunur á fundi við fíggjarnevndina um Suðuroyartunnilin

Fyrrapartin hava umboð fyri Húsavíkar, Hvalbiar og Skúvoyar kommunu verið á fundi í fíggjarnevndini og sagt sína hugsan um uppskotið um Suðuroyartunnilin. 

Í Húsavíkar bygdaráði er ikki semja um tunnilsleiðina til ætlaða Suðuroyartunnilin, men í Hvalbiar bygdaráði hevur tað størstan týdning, at undirsjóvartunnilin verður gjørdur.

Poul Laust Christiansen, varaborgarstjóri í Hvalbiar kommunu, sigur tað vera týdningarmikið at fáa undirsjóvartunnil til Suðuroyar gjørdan, og hann lítur á, at ein góð loysn verður funnin.

Anna Paulina Olsen, borgarstjóri í Húsavíkar kommunu, sigur, at meirilutin í bygdaráðnum hevur víst á aðra linjuføring Sandoyarmegin, enn ta, sum liggur á borðinum.

Hinvegin tekur Dávur Sørensen, bygdaráðslimur, undir við valdu linjuføringini.

Anna Paulina Olsen fegnast um, at innlitslógin ætlandi skal vera galdandi fyri verklagslógina fyri Suðuroyartunnilin.

Hoyr innslag í útvarpstíðindununum: