Føroyingur í Nuuk: Tárini koma fram, tá vit tosa um støðuna

Grønlendingar mugu venja seg við at síggja meira til hernaðarligt virksemi í býunum, tað hevur grønlendska stjórnin boða frá. 

- Vit hava tað gott, men kenslurnar sita uttanfyri, og hetta ávirkar okkum veruliga. Tað sigur Ragnhild í Skorini, sum býr í Nuuk.

Seinastu dagarnar hava fleiri NATO-lond sent herfólk og hernaðarliga útgerð til Grønlands. Hetta verður gjørt í sambandi við danska hernaðarliga venjing, sum eitur ”Operation Arctic Endurance”.

Endamálið er at betra um trygdina í Evropa og Atlantshavi. Londini, sum hava sent herðfólk og hernaðarliga útgerð til Grønlands eru millum annað Noreg, Svøríki og Týskland.