Trump fekk ikki friðarheiðursløn - tí hugsar hann ikki bara um frið

Amerikanski forsetin, Donald Trump, skrivar í brævi til norska forsætisráðharran, Jonas Gahr Støre, at av tí at hann ikki fekk friðarheiðursløn Nobels, kennir hann seg ikki bundnan til "bara at hugsa um frið," sum hann málber seg.

Tað váttar Jonas Gahr Støre fyri VG.

- Góði Jonas. Tá ið land títt hevur gjørt av ikki at geva mær friðarheiðursløn Nobels, nú eg hava gjørt enda á minst átta kríggjum, kenni eg meg ikki bundnan til bara at hugsa um frið, sjálvt um tað altíð er tað týdningarmesta. Men eg kann nú hugsa um, hvat er gott og rætt fyri USA, skrivar hann í brævinum.

- Danmark kann ikki verja hetta landið móti Russlandi og Kina. Og hví hava tey í heila tikið rætt at eiga tað, skrivar Trump.