Ætla at fáa Trump frá við serligari heimild í grundlógini

Forsetin er illa sálarliga sjúkur, og hann setur lívið hja sameindum í váða, sigur ein av kongresslimunum, sum virkar fyri at fáa forsetan frá

Hóast roynt verður at fáa Donald Trump, forseta, frá, er einki, sum bendir á, at undirtøka er fyri tí í Kongressini.

Mynd: Fabrice Coffrini/AFP/Ritzau Scanpix

Sigrún H. Brend

26.01.2026 - 08:14

Fleiri limir í Kongressini ætla at brúka 25. broytingina í amerikansku grundlógini, sum gevur heimild til fyribils at koyra ein forseta frá, um hann ikki megnar at røkja sínar skyldur.

- Amerikanski forsetin er illa sálarliga sjúkur, og hann setur lívið hjá sameindum í váða. Tað er júst tí, vit hava 25. broytingina - vit mugu brúka hana alt fyri eitt, skrivar Yassamin Ansari, limur í umboðsmannatinginum fyri demokratarnar, á miðlinum X.

Hon er ein av fleiri kongresslimum, sum mæla til at brúka broytingarískoytið í grundlógini. Tað er ongantíð brúkt áður.

Men eingin ábending er um, at undirtøka er fyri hesum í Kongressini nú.

Uppskot var eisini um at brúka 25. broytingina í grundlógini í sambandi við álopið á Kongressina 6. januar 2021 undir fyrra forsetaskeiðnum hjá Donaldi Trump sum forseta.