Virkandi forsetin í Venesuela: Vit hava fingið nóg mikið av USA

Delcy Rodríguez, sum hevur verið virkandi forseti í Venesuela, eftir at USA tók Manduro, forseta, í januar, hevur nú fingið nóg mikið av USA.

Tað segði hon í eini røðu fyri oljuarbeiðarum leygardagin.

- Vit hava fingið nóg mikið av boðum úr Washington til politikarar í Venesuela.  Lat politikarar í Venesuela loysa  trupulleikarnar í landinum sjálvir. Nú er tað nóg mikið við útlendskum valdi, hevur Rodríguez sagt, skrivar AFP.

Rodríguez var varaforseti, tá ið USA tók Manduro, forseta, sum kom fyri ein amerikanskan dómstól. Trump, forseti, hevur sagt, at hann fer at samstarva við Rodríguez sum fyribils forseta, so leingi stjórn hennara ger eftir boðum úr USA.