Ungdómstingið: 14 ára aldursmark at nýta snildfon og sosialar miðlar

Føroyar eiga at seta 14 ára aldursmark fyri, nær ung kunnu byrja at nýta snildfonir og sosialar miðlar.

Tað eru tey í ungdómstinginum samd um. Uppskotið til samtyktar var samtykt fyrrapartin.

Tá ið uppskotið var lagt fram í ungdómstinginum í gjár, var lagt upp til, at aldursmarkið skuldi vera 15 ár.

Mentanarnevndin, sum viðgjørdi málið, skeyt upp at lækka aldursmarkið niður í 14 ár.  Tað var samtykt við 30 atkvøðum fyri og tveimum ímóti.

 Uppskotið soleiðs broytt var samtykt við 25 atkvøðum fyri og sjey ímóti.

Suðuroyartunnilin 

Uppskotið um at hækka játtanina til Suðuroyartunnilin úr 100 upp í 200 milliónir árliga í 10 ár var eisini samtykt.

17 atkvøður vóru fyri og 15 ímóti. 

Í hesum máli hevði mentanarnevndini býtt seg í tveir partar. Meirilutin mælti ungdómstinginum til at samtykkja uppskotið, meðan minnilutin mælti frá at samtykkja uppskotið.

Hoyr innslag í útvarpstíðindunum: