Frídømt í gerðarrætti

Fíggjarmálaráðið er frídømt í einum máli, sum Felagið føroyskir sjúkrarøktarfrøðingar fór í Fasta gerðarrættin við. 

Felagið vildi hava Fasta gerðarrættin at áleggja Fíggjarmálaráðnum at viðurkenna, at depilsleiðari á Landssjúkrahúsinum skal lønast eftir sáttmálanum millum Akademikarafelagið og Fíggjarmálaráðið.

Men tað vildi Fasti gerðarrættur ikki.

Sambært sáttmálanum millum sjúkrarøktarfrøðingar og Fíggjarmálaráðið skulu depilsleiðarar lønast eftir tí sáttmálanum, sigur Fasta gerðarrættur.

Ikki krav

Hann sigur eisini, at masterútbúgving var ikki førleikakrav, tá søkt var eftir depilsleiðaranum.  

Gerðarrætturin heldur ikki, at Felagið føroyskir sjúkrarøktarfrøðingar hevur prógvað, at tann, sum fekk starvið, fekk tað, tí hon hevur eina masterútbúgving.

Málið er ikki nýtt. 

Tað byrjaði í Fasta gerðarrætti 27. september 2024.

Úrskurðarfundur var 12. januar í ár.