- Tíðindi, mentan og ítróttur
Ídni í Klaksvík lýst til sølu
Ídni í Klaksvík lýst til sølu
Tey, sum bjoða, skulu gera virkisætlan fyri bygningin, sum skal hava visjón og endamál
Bygningurin er frá 1947, og hevur verið brúktur sum smiðja og goymsla. Hann er í ringum standi, og krevur ábøtur.
Mynd: Klaksvíkar kommuna
16.02.2026 - 15:39
Bygningurin Ídni, sum er gamla smiðjan í Klaksvík, verður nú settur til sølu.
Tað samtykti býráðið á býráðsfundi 29. januar.
Talan er um bygning á leigulendi. Endamálið er at finna bestu virkisæltanina fyri bygningin Ídni í Klaksvík.
Sølan er treytað av, at boðgevari lýsir og fremur best skikkaðu virkisæltan fyri komandi virksemi í Ídni, skrivar kommunan á heimasíðuni.
Treytin er, at bygningurin fer at hýsa virksemi, sum á einhvønn hátt kemur borgarum í Klaksvíkar kommunu til góðar.
LES EISINI: Útboð Ídni
Hálv millión
Prísuppskotið er 500.000 krónur, og virkisætlanin skal hava eina visjón og endamál, nýtsluætlan, fíggjarætlan, tíðarætlan, umframt mynd, skitsu ella líknandi.
Freistin at bjóða er 16. mars.
Bygningurin er frá 1947, og hevur verið brúktur sum smiðja og goymsla.
Hann er í ringum standi og krevur ábøtur, skrivar kommunan. í hjálagdum skjali um bygningin.
Kommununan keypti Ídni í 2006, við tí í hyggju at taka bygningin niður.
Soleiðis sær Ídni út á Google Maps í dag
LES EISIN: Ídni takast niður
Er kopiera
Nýggjastu sendingar í ÚV
Nýggjastu sendingar í SV
