Útvarpið sendir beinleiðis frá borgarafundinum um Suðuroyartunnilin

Útvarpið fer at senda beinleiðis frá borgarafundinum í Salti í kvøld, sum allar kommunurnar í Suðuroynni skipa fyri. 

Løgmaður, sum eigur uppskotið um Suðuroyartunnilin, og partafelagið Suðuroyartunnilin fara at hava framløgu, og orðaskifti verður millum forfólkini í øllum flokkum. 

Ung, sum lesa, familjur, sum hava valt Suðuroynna, útisiglarar, ítróttafólk og borgarstjórar seta Suðuroyartunnilin í fokus. 

Fundurin verður klokkan 20, og Jón Brian Hvidtfeldt verður orðstýrari.

Borgarafundurin skuldi vera 7. desember. Men hann var útsettur, tí uppskotið um Suðuroyartunnilin var ikki komið í løgtingið tá. 

Uppskotið er í fíggjarnevndini, sum ætlar at leggja fram álit í hesi vikuni. 

Borgarafundur um Suðuroyartunnil