47 ára gamal maður dømdur fyri hóttanir

Ein 47 ára gamal maður er í Føroya rætti dømdur hálvt-annað-ára fongsul fyri hóttanir.

Hetta er fyrsti dómur í Føroya rætti um sálarligan harðskap.

15 ákærur vóru móti 47 ára gamla manninum, og 11 fólk eru nevnd í ákæruritinum.

Tað, sum maðurin er ákærdur fyri, skal vera hent í fjør, tað mesta eina nátt.

Talan er um harðskap, bæði likamligan og sálarligan, hóttanir og roynd at noyða pengar av fólki.

Sambært ákæruritinum, eru millum annað hóttanir móti unnustu hansara. 

Hóttanirnar vóru so ógvisligar, at tær fingu hana at stúra fyri lívi og heilsu.

Tað sama gjørdu onnur, sum hann hótti.

Maðurin noktaði seg sekan í øllum ákærunum.

Maðurin hevur kært dómin.