Kommunan rindar fyri íbinding hjá Fjarhitafelagnum

Stóra útbyggingin Stóratjørn var ov stórur biti hjá Fjarhitafelagnum.

Nógvu íløgurnar seinastu árini hava við sær, at Fjarhitafelagið hevur ikki ráð at gera eina íbinding til fjarhitanetið til nýggja býlingin.

Men hjá øðrum eigaranum í felagnum - Tórshavnar kommunu - eru pengar tøkir. So kommunan ger íløguna fyri Fjarhitafelagið, sum Fjarhitafelagið keypir aftur, tá fólk flyta í nýggja býlingin í Stórutjørn.

Sambært Fríði Dalsgarð, tekniskum stjóra í kommununi, kostar íbindingin til fjarhitan umleið átta milliónir krónur, sum Fjarhitafelagið skal keypa aftur í seinasta lagi fimm ár eftir, at sáttmálin er undirskrivaður.

Annita á Fríðriksmørk, forkvinna í Fjarhitafelagnum, heldur einki vera til hindurs fyri, at kommunan rindar fyri grundleggjandi viðurskifti hjá Fjarhitafelagnum.

Sí innslag í Degi og viku: