Yrkingar um at standa uttanfyri á Vágskálini

Mikudagin kl. 16.05 verður Vágskálin aftur í luftini, og undir luppin verður lagt yrkingasavnið "Fjøtraður Orion" eftir Christian Fróða Djurhuus

Sanna Klein og Hans Jacob Kollslíð fara at ummæla. 

"Fjøtraður Orion" er fyri tað mesta brotprosatekstir um menniskjalig kor, m.a. tað at standa uttanfyri sum barn og í vaksna lívinum. Eisini eru fleiri yrkingar upp á rím. 

Christian Fróði Djurhuus gav fyrsta yrkingasavnið út í 2005, og síðan eru komin 15 søvn frá honum. "Fjøtraður Orion" kom út í 2024.

Uni Arge leggur til rættis.