Tveir menn í grundlógaravhoyring fyri harðskap, eldáseting og rán

Tveir menn eru í grundlógaravhoyring í løtuni, skuldsettir fyri grovan harðskap, fyri at hava sett eld á við vilja, og fyri rán.

Hendingin fór fram í einum sethúsum í Havn, stutt fyri klokkan 18 í gjárkvøldið. 

Maðurin í húsunum varð álopin heima hjá sær sjálvum, og var fyri ógvusligum harðskapi. Eisini varð eldur settur á, har maðurin var staddur.

Eldur í sethúsum í Havn, eldur

Maðurin boðaði sjálvur løgregluni frá. Hann varð síðani sendur á Landssjúkrahúsið.

Annar av skuldsettu monnunum varð handtikin í gjárkvøldið, hin í morgun.

Grundlógaravhoyringin byrjaði fyri lítlum tíma síðani. Hon fer fram fyri afturlatnum hurðum.

Ákæruvaldið bað um afturlatnar hurðar, tí málið er ikki liðugt kannað, fyri at verja vitni og fyri, at skuldsettu menninir báðir ikki skulu hoyra frágreiðingina hjá hvørjum øðrum.

Verjin hjá øðrum manninum bað eisini um afturlatnar hurðar.

Dómarin gav teimum viðhald, og fjølmiðlar vóru bidnir um at fara út úr rættarsalinum. 

- Hetta er eitt álvarsligt mál, sigur Heri Andreasen, varapolitiinspektørur:

Eldur