- Tíðindi, mentan og ítróttur
FMA2026: Ársins bestu tónleikaavrik skulu kjósast fríggjakvøldið
FMA2026: Ársins bestu tónleikaavrik skulu kjósast fríggjakvøldið
Norðurlandahúsið er karmur um handanina av FMA-heiðurlønunum fríggjakvøldið, sum verður send í sjónvarpinum. 13 heiðurslønir skulu handast, og seks framførslur eru á skánni
Brimheim var heilt stóri vinnarin á FMA í Varpinum í fjør
Mynd: Bjarni Árting Rubeksen
04.03.2026 - 20:50
Reyða langmottan verður rullað út frammanfyri Norðurlandahúsið fríggjakvøldið, tá ársins bestu tónleikaavrik skulu kjósast.
13 heiðurslønir skulu handast, og seks nøvn, ið hava gjørt vart við seg í 2025, skulu framføra.
Kringvarp Føroyar vísir FMA í sjónvarpinum, men tiltakið er annars alment, og tað ber enn til at keypa atgongumerkir til tónleikafagnaðin.
Seinastu fyrireikingarnar eru í gongd í Norðurlandahúsinum í løtuni.
Ársins útgáva og sangur
Størsti spenningurin er altíð um, hvør útgávan verður kostin ársins besta.
Fimm útgávur eru tilnevndar. Tær eru:
“Í Ævir” - Elinborg
“It's been a while” - jazzygold
“Skull-Sized Kingdom” - Lyon Hansen
“Sólskin” - Stanley Samuelsen
“Tá hvørt ljós líkist tær” - Benjamin Rajani
Næststørsti spenningurin er um, hvør eigur ársins besta sang.
Fimm sangir eru tilnevndir. Teir eru:
"Cake (Baddies Edition)" - jazzygold, Marianna Winter, Tamara Mneney
"Kamarið" - Tøgn
"Patio" - Marianna Winter
"Blóð" - Elinborg
"Tveitan" - Tunghoyrt
SÍ EISINI: FMA 2026: Tilnevningarnar
Mynd: Bárður Lydersen
Elinborg fimm tilnevningar
Elinborg gongur á odda í FMA-tilnevningum í ár, sum eru fimm í tali, fyri hennara fyrstu heildarútgávu, "Í ævir".
Jasmin Mote er tilnevnd fýra ferðir, meðan Marianna Winter og Lyon Hansen hava hvør sínar tríggjar.
20260213_FMA_TILNEVNINGAR
Er kopiera
Nýggjastu sendingar í ÚV
Nýggjastu sendingar í SV
