Frítekst tagging:
- Tíðindi, mentan og ítróttur
Nú skulu Føroyar, Grønland og Áland fáa javnbjóðis sæti í Norðurlandaráðnum
Nú skulu Føroyar, Grønland og Áland fáa javnbjóðis sæti í Norðurlandaráðnum
Nevnd er sett at endurskoða Helsingforssáttmálan, og allar stjórnir í Norðurlondum - eisini Føroyar - verða umboðaðar
Nevnd er sett at endurskoða Helsingforssáttmálan, so Føroyar, Grønland og Áland verða javnsett í Norðurlandaráðnum.
Mynd: Lars Dareberg/norden.org
16.03.2026 - 13:35
Norðurlendsku samstarvsráðharrarnir hava í dag gjørt av at seta eina nevnd at endurskoða Helsingfors-sáttmálan, við tí endamáli at gera tað møguligt at javnseta Føroyar, Grønland og Áland við hini londini í Norðurlandaráðnum og í Norðurlendska Ráðharraráðnum.
Tað boðar Norðurlendska Ráðharraráðið frá í dag.
Nevndin skal eftir ætlan orða eitt uppskot um ítøkiligar broytingar í sáttmálanum og onnur átøk, sum kunnu geva Føroyum, Grønlandi og Álandi javnbjóðis luttøku í norðurlendska samstarvinum.
Átta nevndarlimir
Nevndin telur átta limir, sum skulu umboða stjórnirnar í øllum Norðurlondunum - eisini Føroyum.
Formannin eigur Danmark, sum frammanundan hevur formansskapin í Norðurlendska Ràðharraráðnum.
Harumframt verður løgfrøðiligi professarin, Elina Pirjatanniemi, sum starvast á akademinum í Åbo, til taks at hjálpa nevndini í arbeiðnum. Hon hevur sjálv staðið fyri for-arbeiðnum at kanna løgfrøðiligu avleiðingarnar av at endurskoða Helsingforssáttmálan.
Kristina Háfoss. (Mynd: Bjarni Árting Rubeksen)
Hoyr samrøðu við Kristinu Háfoss, stjóra í Norðurlandaráðnum:
17032026_Kristina_Hafoss
Er kopiera
Nýggjastu sendingar í ÚV
Nýggjastu sendingar í SV
