Staðfest umstøður, sum kunnu hava stuðlað lívi á Mars

Perserverance er navnið á rúmdarbilinumbili hjá NASA, sum varð sendur avstað í 2020, lendi á gongustjørnuni Mars í 2021, og sum hevur rannsakað og gjørt kanningar síðan.

RIMFAX er navnið á einum tóli Perserverance-bilinum, sum er eitt slag av georadara. Tólið virkar eitt sindur sum, tá seismiskar kanningar verða gjørdar. Tólið skjýtur radar-bylgjur niður í undirgrundina, sum verða kastaðar aftur. Signalið ið kemur aftur, gevur eina mynd av, hvussu undirgrundin sær út.

Uni Árting, jarðfrøðingur, arbeiðir fyri Jarðfeingi og fyri Universitetið í Oslo, er partur av RIMFAX-granskaratoyminum, sum júst hevur almannakunngjørt granskingarúrslit í greinini "Ground penetrating radar observations of ancient large-scale deltaic structures in Jezero crater, Mars" í tíðarritinum Science Advances.

Flótandi vatn á yvirflatuni
Hann greiðir m.a. frá, at tey hava kortlagt undirgrundina í einum øki á Mars, og har hava tey funnið nakrar áarósar og áir, sum siga nakað um, at vatn hevur verið á Mars. Við hesum úrslitinum hevur mann longt um tað tíðarbilið, sum flótandi vatn hevur verið á yvirfaltuni á Mars. Og tað merkir, at umstøður, sum kunnu hava stuðlað lívi, hava verið longri á yvirfaltuni á Mars, enn mann higartil hevur vitað um.

Hoyr samrøðu við Una Árting, jarðfrøðing hjá Jarðfeingi, og granskara í RIMFAX-toyminum.

Sí eisini

Grein hjá Jarðfeingi

Grein í Science Advances